Kwa ufupi:
Chapisho hili linawasilisha Mwenendo wa Warsha ya Tatu ya Wakulima wa Kanda ya
Mashariki kuhusu uimarishaji wa mahusiano yaliyopo baina ya wakulima wa mazao na
wafugaji. Warsha ilifanyika katika Chuo eha Uongozi wa Elimu (MANTEP) Mjini
Bagamoyo tarehe 8 hadi 10 Oktoba 2001.
Warsha hii ni moja ya warsha ambazo zimepangwa kufanyika kama shughuli muhimu za
kuutekeleza mradi wa Utafiti wa Uhakika wa Chakula na Pato la Kaya kwa
Wakulima Wadogowadogo Tanzania. Mradi huu ambao ulianza rasmi Septemba 2000,
unagharamiwa na Serikali ya Norway kupitia Shirika lake la Maendeleo (NORAD), na
unatekelezwa na Chuo Kikuu eha Sokoine eha Kilimo kwa kushirikiana na Wizara ya
Kilimo na Chakula, na Chuo Kikuu cha Norway cha Kilimo. Warsha hizi zina
madhumuni yafuatayo:
1. Kuwajumuisha watafiti, wakulima na washauri wa kilimo na washika dau
wengine ili kudadisi kuhusu mambo muhimu yanayohitaji kushirikishwa pande
zote kwa lengo la kufanikisha kilimo.
2. Kuchambua na kuainisha matatizo yanayowakabili wakulima wadogowadogo.
3. Kudadisi ili kutambua mambo gani yapewe uzito au kipaumbele zaidi.
4. Kushiriki katika kupeana uzoefu wa maeneo muhimu ya kilimo.
Kamati ya Utekelezaji wa Mradi inatarajia kuwa chapisho hili litakuwa la manufaa kwa
washika dau mbalimbali, na mapendekezo yaliyotolewa na washiriki wa warsha
yatachangia katika juhudi za kuimarisha uhakika wa chakula nchini.
